Noong ika-2 ng Abril, nagpulong ang mga miyembro at mga kaibigan ng Campaign for Philippine Studies (CPS) tungkol sa kalagayan ng pag-aaral ng Pilipino sa Unibersidad ng California sa Los Angeles.  Ginawa itong pulong sa James West Alumni Center.  Si Dr. Victor Bascara ang Panel Moderator, at si Dr. Joi Barrios naman ang Keynote Speaker.

Nagsimula ang araw sa isang plenary session na pinamunuan  ng Critical Filipino Studies Working Group.  Pumunta ang buong Asian American Studies 133  na klase ni Dr. Victor Bascara sa  sesyong ito.  Naghati ang grupo na may higit sa isandaang sa mga mas maliliit na grupo na may tig- 7-8 katao.  Ang pinag-usapan ng mga grupo ay ang Pilipino Studies.  Nagbahagi ang mga tao tungkol sa kani-kanilang mga palagay at paniniwala.  Madalas, ang mga tema na binabanggit ng mga estudyante ay tungkol sa kahalagahan ng Pilipino Studies dito sa UCLA at ang kaugnayan ng Pilipino Studies sa komunidad sa labas ng kampus.  Pagkatapos, nagbahagi ang mga maliliit na grupo tungkol sa  napag-usapan nila sa sariling grupo. 

Pagkatapos ng plenary session, nagkaroon ng isang Pilipino Studies Dialogue Panel at Q&A.  Sinuri ng Panel na ito ang kaalaman ng CPS tungkol sa mga komunidad dito sa Estados Unidos at sa buong Pilipinong Diaspora. 

Ang Keynote Speaker naman na si Dr. Joi Barrios, guro ng wikang Filipino  at panitikan ng Pilipinas sa  UC Berkeley, ay nagbigay ng panayam ukol  sa kahalagahan ng pag-aaral ng wikang Filipino at ang mga hamon na kinakaharap ng mga mag-aaral ng Pilipino Studies. Nagbigay din siya ng maikling kasaysayan ng Philippine Studies, Pilipinolohiya, at Pilipino Studies sa akademya.

Pagkatapos noon, ipinakita ni Eric Tandoc, isang dokumentarista, ang pelikula niya.  Ang pamagat ng dokumentaryong ito ay “Sounds of the New Hope.”  Tungkol ito sa hip-hop, at itinatampok nito ang isang artista na ang ngalan ay Kiwi.

Nagwakas ang araw sa isang mixer, kung saan nakipag-usap ang mga estudyante, iskolar, propesor, at miyembro ng komunidad tungkol sa iba’t-ibang mga paksa.